Kristján Jóhannesson

Kristján Jóhannesson hefur verið ráðinn rekstrarstjóri hjá Gæðabakstri. Krístján mun bera ábyrgð á stjórnun, rekstri og áætlun framleiðslusviðs auk vöruþróunar og átaksverkefna.

Kristján starfaði síðast sem Onboard Services Manager hjá Icelandair. Þar bar hann ábyrgð á rekstri, þjónustu og söluvarningi um borð í vélum félagsins. Þar áður starfaði hann sem viðskiptastjóri í einkabankaþjónustu MP banka, forvera Kviku, og hjá Arion banka sem sölustjóri útibúa á viðskiptabankasviði og á eignastýringarsviði.

Kristján hefur lokið BSc í viðskiptafræði frá Háskólanum í Reykjavík árið 2009 og er að ljúka Business Management frá sama skóla.

Utan vinnu er Kristján virkur í félagsstarfi tengdu sundi, en hann hefur æft og þjálfað sund í fjölmörg ár. Þá er hann í stjórn Sunddeildar KR.

Gæðabakstur framleiðir fjölmargar gerðir af brauðum, rúgbrauðum, flatkökum, kökum ofl. fyrir matvöruverslanir, hótel, veitingastaði, mötuneyti, stofnanir og fyrirtæki.