Gott í ferðalagið!

Ætlar þú að leggja land undir fót um Verslunarmannahelgina og ert að huga að nestinu? Þá er tilvalið að grípa með þér vörur frá okkur. Þegar maður leggur af stað í útilegu eða langt ferðalag þá getur verið dýrt að borða á veitingastöðum en ef maður undurbýr sig aðeins og útbýr nesti úr hágæða kornvörum þá sparar maður bæði pening og getur borðað hvar og hvenær sem er.

Við bjóðum upp á fjölbreytt úrval af brauðvörum sem eru tilvaldar í ferðalagið og höfum útbúið hugmynd af ferðapakka fyrir þig og þína.

1. Flatkökur

Tekur enga stund að undirbúa. Þú nælir þér í pakka af flatkökunum okkar og getur búið til fjölbreytt úrval af nesti sem hentar öllum.

• Flatkaka með smjöri og hangikjöti
• Flatkaka með smjöri og osti
• Flatkaka með skinkusalati eða rækjusalati

Eða bara með því sem þér þykir best.

 2. Kleinur

Borðar þær beint úr pokanum og haldast ferskar og góðar yfir Verslunarmannahelgina. Við bjóðum upp á hefbundnar kleinur og einnig ljúffengar súkkulaðikleinur sem klikka ekki með heitu kaffi úr kaffibrúsa, heitu kakói eða bara með íslensku mjólkinni. Passaðu þig bara að skilja súkkulaðikleinurnar ekki eftir í heitu tjaldi eða undir volgri sólinni, súkkulaðið bráðnar!

3. Hamborgara- og pylsubrauð

Það er fátt skemmtilegra en að grilla á ferðagrilinu í góðra vina hópi. Hvort sem það eru pylsur eða hamborgarar þá er það tilvalið að grípa með sér Gæðabaksturs pylsubrauð eða sesamlausu hamborgarabrauðin. Hamborgarinn verður betri en á veitingastað! Bara ekki gleyma að taka með þér meðlæti og sósur.

4.       Samlokur

Það er alltaf klassískt að útbúa eina góða samloku og hægt að leika sér aðeins með álegg. Ef þú ert að fara til Vestmannaeyja þá er Eldfell glútenlausa samlokubrauðið algjörlega málið enda dregur brauðið nafn sitt nafn sitt af eldfjallinu í Heimaey. Brauðið er glútenlaust og inniheldur meðal annars hörfræ sem eru rík af trefjum og Omega-3 fitusýrum, tilvalið fyrir þá sem hafa ofnæmi eða óþol fyrir glúteni, mjólk, eggjum, hnetum eða sesamfræjum.