Rúlluterta með reyktum laxi og wasabi rjóma

• 1 rúllutertubrauð
• 200 gr mjúkur rjómaostur
• 1 dós sýrður rjómi
• Rjómi til að þynna með
• Wasabi efrir smekk 
• Stórt búnt fínsaxaður graslaukur
• 400 gr reyktur lax
• Salt og svartur pipar

Blandið rjómaosti og sýrðum rjóma saman og þynnið í heppilega þykkt með rjómanum. Smakkið til með wasabi, salti og pipar. Smyrjið kreminu á rúllutertubrauðið, en skiljið smávegis eftir til að skreyta með. Stráið fínsöxuðum graslauk yfir kremið. Skerið reykta laxinn í þunnar sneiðar og raðið yfir brauðið. Rúllið upp og smyrjið rúlluna að utan með kreminu sem eftir var og dreifið fínsöxuðum graslauk eða öðrum kryddjurtum yfir.