Bolludagurinn 2015

Í dag, 16. febrúar, er hinn árlegi bolludagur. Bolludagurinn er alltaf á mánudegi, 7 vikum fyrir páska. Líklegt er að þessi hefð sé af dönskum eða norskum uppruna frá síðara hluta 19. aldar. Sagt er að þarlendir bakarar sem settust hér að á Íslandi eigi frumkvæðið að þessu. Áætlað er að íslenskir bakarar baki um milljón bollur fyrir bolludaginn. Hin hefðbundna bolla er með sultu og rjóma innan í og lok bollunnar er síðan hulin súkkulaðiglassúr. 

Við hjá Gæðabakstri og Ömmubakstri höfum unnið hörðum höndum í allan morgun við að útbúa glæsilegar bollur. Þær eru í ýmsum formum eins og vatnsdeigsbollur og gerbollur með súkkulaði, karamellu í ýmsum stærðum og gerðum.

Við óskum landsmönnum til hamingju með bolludaginn og vonum að þið njótið hans í hófi ;)