Hafrabrauðið inniheldur 60% hafra

Gæðabakstur kappkostar að mæta þörfum viðskiptavina sinna fyrir hollari og næringarríkari kosti.

Hafrabrauðið er afrakstur metnaðarfullrar þróunarvinnu þar sem leitast var við að bjóða upp á brauð sem innihélt ríkulegt magn hafra og engan hvítan sykur.

Betaglúkanar eru trefjar í ysta lagi hafra en í 100 g af Hafrabrauði eru 1,8 g af betaglúkönum. Sýnt hefur verið fram á að regluleg neysla betaglúkana (hafi áhrif til lækkunar á kólesteróli í blóði. Hátt kólesteról er áhættuþáttur þegar kemur að þróun kransæðasjúkdóma.

Við lögðum jafnframt ríka áherslu á mýkt og bragðgæði brauðsins. Útkoman var þetta frábæra brauð sem þú finnur í næstu verslun. Hafrabrauðið er frábær kostur hvenær dagsins sem er og hefur því verið líkt við hafragraut á föstu formi.

Á annasömum morgnum er til að mynda tilvalið að gæða sér á ljúffengu hafrabrauði með góðu áleggi.

Prófaðu hafrabrauðið með

• Kotasælu og niðurskornu grænmeti
• Bananabitum og hnetusmjöri
• Hummus
• Eplaskífum og kanil
• Lárperu og eggi